Jekh startosaripen
Svako berš, o Balkanik Festival kidel ande București bašavne, artistura thaj meštèra anda sa e Balkanura. Kana alosardam te ʒas, na kamlam jekh tàraba pherdi lilença. Kamlam jekh than kaj e manuša te dikhen pumare jakhença so si jekh tradicionalo rromani meseria kerdi ćaće ʒanglimaça.
Kadja biandilo o „Atelier cu meșteri bestoinici”: jekh than bannerença, uneltença, nikovalença thaj bàlura sulumenqe, kaj e meštèra kerde butǐ sa o vaxt e festivalosqo.
E zlatarura: rup, jag thaj răbdare
E zlatarura ande pumença e tikne atelierura save labaren sa o traio: lampe jagaqe, kleštura, pile thaj nikovale sar jekh palma. E manuša šaj dikhenas sar jekh rupuni sàrma kerel pes braceleta, sar lipil pes jekh montura vaj sar lustril pes jekh angrusti ʒi kaj del lumina. E fotografie paše e vastenqe e meštèrenqe phenen maj but sar svako deskripcia.
E kalderàra: i harkoma savi gilabel
Paše e zlatarura, e kalderàra marenas i harkoma pe nikovala. O glaso e čokanenqo akharelas e manušen dural. Ibrikura, vasa thaj kazanura sas tatarde pe jag, kerde thaj lustrime othe, ando maškar e festivalosqo. But manušenqe sas jekh surpriza te sikljon kaj obiektura save ʒanen anda o kher pumare phurenqo sas kerde, generacie pe generacie, katar rromane meštèra.
E rata k-o atelieri
Kana avelas i rat, o atelieri pherdolas manušença. Avenas pala e koncertura, bešenas pe bàlura, pućhenas thaj činenas obiektura kerde vastença. Sas rata pherde asajimaça, paramisença thaj fotografiença kerde e meštèrença khetane, sikavipen kaj jekh lačho maladipen šaj biljarel, barem jekh rat, i distanca maškar e manuša.
So sikiljam
Amaro angluno drom sikadas amenqe sode interesil e manušen i rromani kultura kana si sikadi pativaça thaj autentikes. Dias amen zor te irisavas ando 2017 jekhe maj bare atelieroça. Maj but pa kadala meserie arakhes pe patrin Vastune butja.
Galeria fotografienqi
Fotografie anda e divesa thaj e rata e festivalosqe. De click pe jekh fotografia te dikhes la maj bari.
