Bi cookie-enqo thaj bi urmăripnasqo
O sajto Baro Drom si jekh statikano sajto, kerdo numa anda patrina thaj fotografie. Na labaras cookie-ura, na labaras instrumentura vaš te dikhas o trafiko, na sikavas reklame thaj na phiras palal tute katar jekh patrin k-i aver. Vaš kodo, na mangas tutar vi o akordo vaš cookie-ura.
E fonturi thaj e fotografie si pe sa kodo servero sar o sajto, kadja kaj khanči na lel pes katar aver kompanie. Sar svako web servero, o servero pe savo si o sajto šaj ikerel tehnikane ʒurnalura vaš xarno vaxt (sar i IP adresa thaj i patrin savi dikhlan), labarde numa vaš lesqi butǐ thaj lesqi siguripen.
E video anda YouTube
Pe patrin Bašalipen si video save si pe YouTube. Von na aven korkore. Numa pala kodo kaj des click pe buton, tiro browser kontaktisarel o YouTube, prekal lesqo modo maj bare privatnipnasqo (youtube-nocookie.com). Katar kodo momento si i politika konfidencialitetaqi e Google-osqi. Te na des click, khanči na bičhalel pes k-o YouTube.
Kana ramosares amenqe vaj akhares amen
Te kontaktisares amen pe email vaj pe telefòno, avena amen e datura save alosares te des amen: o anav, i email adresa, o numero telefonosqo thaj so ramosardan. Labaras len numa te das tuqe palpale thaj te vakeras pa kodo so andan amenqe. Na bikinas len, na das len k-o kiria thaj na labaras len vaš reklama.
Ikeras i korespondenca numa sode vaxt trebul vaš te keras so mangljan vaj vaš i kolaboracia pa savi vakerdam.
E fotografie čhavorrença
O arakhipen e čhavorrenqo si amenqe jekh reglo, na jekh alosaripen. Ande fotografie publikime pe kado sajto, e mujà e čhavorrenqe sas blurime kadja kaj na šaj te irisaren palpale, kaj te na šaj pinʒaren pes. E fotografie sas kerde anglal te publikisaren pes, thaj e garavde informacie anda e fajlura (sar o than vaj i data) sas khosle.
E bare manuša save si ande fotografie anda amare aktivitetura, sar e sikavne vaj e meštèra, sas fotografisarde pe publikane evenimentura vaj ande edukativno aktivitetura.
Sar šaj manges te khosel pes jekh imaʒo
Te san ande jekh fotografia pe kado sajto, vaj te san dad, daj vaj tutoro jekhe čhavorresqo savo si ande jekh imaʒo, thaj na kames te ačhol pe interneto, ramosar amenqe pe respect@barodrom.ro. Phen amenqe i patrin thaj, te šaj, i fotografia. Khosasa o imaʒo sode šaj maj sigo, bi te pućhas tut sostar.
Tire hakaja
Pala o General Reglamento vaš o Arakhipen e Datenqo (GDPR), si tut o hakaj te pućhes amen save datura si amen pa tute, te manges te lačharen pes vaj te khosen pes thaj te na kames te labaren pes. Vaš svako kasavo mangipen, ramosar amenqe pe adresa opral. Te gindis kaj tire hakaja na sas respektime, šaj ʒas k-i Nacionalo Autoriteta vaš o Supravegheripen e Personalo Datenqo (ANSPDCP).